你仲未設計Marketing Funnel?小心客源流失!

乜嘢係Marketing Funnel？

Marketing Funnel（行銷漏斗）係一個幫助企業引導潛在客戶由認識品牌到最終購買嘅策略模型。佢分成三個主要階段：

• TOF（Top of Funnel） - 目標係吸引新受眾，提升品牌曝光率，例如喺Facebook、Instagram、Youtube等平台分享內容。

• MOF（Middle of Funnel） - 開始篩選受眾，解決佢哋可能有嘅疑問，例如透過問答、客戶案例分享等方式，將潛在客戶帶到一個較少雜訊嘅環境，如電子報、私人群組等。

• BOF（Bottom of Funnel） - 目標係促成購買，可以透過產品試用、優惠等方式增加成交率。

企業點解要設計Marketing Funnel？

1. 理解買家旅程，鎖定潛在客戶

如果冇一個清晰嘅客戶旅程，潛在客戶可能只係睇咗你的內容，但完全冇行動。Marketing Funnel可以幫助企業為每個階段嘅客戶提供適合嘅內容，提高轉化率。

2. 優化營銷策略，提高投資回報（ROI）

好多企業都會投放廣告，但如果冇一個完善嘅漏斗設計，咁投放廣告帶嚟嘅流量可能會「白白流走」。透過Marketing Funnel，你可以分析數據，發現客戶喺邊個階段流失，從而針對性優化策略。

3. 提升品牌信任度，培養忠實客戶

唔係每個客戶都會即刻落單，所以MOF階段就好重要。你可以透過電子報、會員社群等方式，慢慢培養客戶信任，等佢哋準備好時自然會購買。

4. 掌握可量化數據，做出更精準決策

Marketing Funnel可以提供清晰嘅數據，例如每個階段嘅轉化率、流失率，幫助你做出更精準嘅市場決策，避免「盲目投放廣告」。

Marketing Funnel點運作？

1. TOF（引流）：透過社交媒體、SEO、影片等方式吸引目標受眾，例如喺Instagram、Youtube等平台提供價值內容。我哋嘅策略係透過YouTube同Instagram分享有價值嘅內容，同時搭配廣告策略吸引更多人認識我哋品牌。

2. MOF（建立信任）：透過電子報、社群、網絡研討會等方式進一步教育客戶，解決佢哋可能有嘅疑問。我哋提供免費電子報，幫助受眾持續獲取有價值嘅資訊，同時亦有付費社群 DOT CLUB，提供更深入嘅學習同交流機會。

3. BOF（促成交易）：用優惠、產品試用、客戶評價等方式，令客戶最終決定購買。我哋嘅策略係提供更高階嘅付費服務，幫助客戶進一步提升業務表現，確保佢哋獲得最大價值。

結論

如果你仲未設計Marketing Funnel，你可能已經錯失咗大量潛在客戶。透過設計清晰嘅客戶旅程，你唔單止可以提高轉化率，仲可以培養忠實客戶，長遠提升企業競爭力！

PS 如果你想學習更多關於創業策略、數碼營銷技巧，歡迎加入我哋嘅社群 DOT CLUB 🚀

Ariel 🙂 

Follow us on Instagram:
Dot Club | Planty Lab | Ariel Leung

如果你認為呢類型嘅內容對你有幫助，不妨分享俾三個你重視嘅朋友！