車仔麵 vs. 拉麵:你的生意模式應該點揀?

香港人對車仔麵同拉麵都唔陌生。兩者都係麵食，但價格同經營模式卻大相徑庭。車仔麵約 $40 一碗，而拉麵可以賣到 $100 以上。呢個價差反映嘅唔單止係食材成本，而係兩種截然不同嘅商業策略。

車仔麵代表咗 大眾市場，提供超過 30 種配料，務求滿足唔同年齡層、口味各異嘅客人。呢種生意模式靠 高流量、高成交量 取勝，適合目標受眾廣泛嘅企業。

相反，拉麵專注於 特定市場，每間店舖通常只提供 1-2 種湯底，針對一群熱愛某種風味嘅忠實客戶。呢種模式雖然受眾較窄，但客戶忠誠度高，願意為品質買單。

你的生意應該做「車仔麵」定「拉麵」？

當你創業時，第一個問題就係：「我要做大眾市場，定係專注於特定市場？」

1. 如果你選擇「車仔麵模式」

   • 你會提供多樣化選擇，吸引大量客群

   • 你會面對極大競爭，因為市場門檻較低

   • 你需要靠 高成交量 賺錢，單價可能較低

   • 你的品牌可能較難建立獨特性

2. 如果你選擇「拉麵模式」

   • 你會專注於某個細分市場，例如「40歲脫髮男士」或「孕婦專用護膚品」

   • 你可以透過 打造獨特價值主張 (Unique Value Proposition) 來 justify 高單價

   • 你客戶忠誠度更高，容易形成口碑效應

   • 你嘅品牌定位更清晰，長遠競爭力較強

個人品牌 vs. 公司品牌：你係拉麵定車仔麵？

如果你係一間 1-5 人嘅小型企業，個人品牌 (Personal Branding) 可能會同公司品牌混合咗一齊，但最大分別係：

• 個人品牌 只能夠變現 (Monetize)，但唔能夠 Exit

• 公司品牌 可以規模化，最終可以 Exit (轉售或上市) [1]

如果你選擇 個人品牌，你更似一間「拉麵店」，以專業、個人特色吸引特定客群，例如某位 KOL 只專注於「女性創業」。

如果你選擇 公司品牌，你更似一間「車仔麵店」，打造一個可以持續運作、多人參與嘅業務，例如一間提供多樣化行銷服務嘅公司。

你的業務能否 Scale？

另一個要考慮嘅問題係，你嘅業務模式係咪 越多客人，你就越忙？

例如，某些服務型行業 (如設計師、美容師) 係 時間換金錢，如果業務量增加，創辦人會更忙，呢種模式較難 Scale。

但如果你能夠透過 產品化服務，例如：

• 開設 線上課程，將知識變成可重複銷售嘅產品

• 設立 會員制，讓客戶持續訂閱服務

• 建立 品牌授權，讓其他人幫你拓展市場

咁你就可以突破時間限制，提高 客戶終身價值 (LTV) [3]。

點樣選擇適合自己嘅模式？

1. 了解市場需求：如果市場對某個細分領域有強烈需求，你可以選擇「拉麵模式」，專注做一件事做到極致。

2. 衡量競爭壓力：如果市場上已有大量競爭者，而你又冇明顯優勢，可能需要考慮更細分市場。

3. 考慮長遠發展：你想要一盤 短期快錢，定係 長遠可持續發展 嘅生意？

結論

創業時，你要決定自己想做 「車仔麵」定「拉麵」。

• 如果你想 吸引大量客戶，提供多種選擇，你會選擇車仔麵模式，但你需要面對高競爭、低利潤問題。

• 如果你想 專注某個細分市場，建立忠誠客群，你會選擇拉麵模式，雖然受眾較窄，但客戶黏性更高，品牌價值更強。

所以，你的生意係「車仔麵」，定係「拉麵」？

PS 如果你都想學識點樣利用槓桿收入創造更大價值，歡迎加入我哋社群 DOT CLUB 🚀

Ariel 🙂 

Follow us on Instagram:
Dot Club | Planty Lab | Ariel Leung

如果你認為呢類型嘅內容對你有幫助，不妨分享俾三個你重視嘅朋友！